قصيدة روووعة للشاعر ضرغام العراقي

[نقاء الشيخلي]

خربت من شفت جنحان عند الفيل .. ومن شفت النوارس صارت ذيابه
وخربت من شفت مرَّه الأسد مرعوب .. خايف ما طلع بالليل للغابه !
مجنون الزمن لو عقلي المجنون .. هذا الشفته من هو اليعرف اسبابه؟
وجبت ايدي غصب گتلهه فركي العين .. بلكي مو صدگ وينچ يا سبّابه !
تالي اتيقنت موبس حلم لا طيف .. واقع حال بس ظنوني مرتابه
شفت الناس .. بعض الناس .. غير الناس .. شفت الناس نفس الشفته بالغابه
واحد من يهد ويهد گبل بالسيف .. عاف السيف هسه وينخه بگراب
واحد مقتنع يوسف كلاه الذيب.. وتگله چذب وايگول لا يابه
واحد ما دره .. ما يعرف الي صار .. شاهد راح لمن صارت اطلابه
واحد ينسأل تعرفهه بت فلان .. جاوبهم چذب وايگول حبابه
واحد چان واحد هسه صار اثنين .. لأن وجهين عنده وغاش اصحابه
أو .. واحد ..
أو .. واحد ..
أو .. واحد ..
والاضرب بعد سألوا طفل بالعيد.. شتحب تشتري.. شنجيب لـعّابه؟
دبابه صرخ يلعب حرب وايريد ميعيّد اذا ماعنده دبابه !
وطفل ثاني شرد يرضع شوارع گام.. ويكره للأسف مدرسته وكتابه
وطفل ثالث .. وطفل رابع .. وطفل خامس ..
واخيراً
مجنون الزمن فعلاً طلع دولاب .. وبكيفه يفر لو راد دولابه ..
وبكيفه يفر لو راد دولابه

[هيثم العراقي]

صدك الزمن دولاب .......... موضوع كلش حلو ....
بس فدوه نقوش عيوني راحت لان لون الموضوع بالاصفر
كوه قريت عنوان الموضوع ههههههههههههههههههههه

[marfed alrawi]

يويويويويويويويويويو وربي وربي روووووووووووووووووووعه
عاااااااااااشت ايدج ياملكة الابداع

[نقاء الشيخلي]

ههههههههههههههههههههههه لعيونك بعد مااكتب بهذا اللون ابن عمي الذهب تدلل خاف تصير اعمى ونبتلي عااااااااااااااااااا

[نقاء الشيخلي]

يسلمووووووووووووووو خيوو مرفد شنو هاللقب الجديد هع راح اغير اسمي

[هيثم العراقي]

تسلميلي بت عمي .......
أي فدوه لان أخاف أصير معوق ههههههههههههههههههههههه

[marfed alrawi]

يدللوووووووووووو خيتووووووووووووووووو
واكيد لازم تغيرين اسمج لان انتي عن جد ملكه ياورده