ومضات شعريه

[panda ahmed]

شما حطن شكر عالجاي مر يصير
فدوه شويه حط اعليه من عدك
خدك شاف خدك أمس جلب بيك
كظ خدك بحركة وباسك بخدك

بالطيف من اشوفك انه اصيح الله
أنت شكد حلو وحته أحله من كلك
ولوشوفك صدك وكبال عيني تصير
ما صفك بدية أبعيني اصفكلك

يلعايش بروحي ونه عايش بيك
شجاك وعلغدر دمرت الحساس
انه كلبي وفي وما يعرف يخون
لذلك تركتك انته والعباس

ماحب البعد حبيت اعيش وياك
حياتي بلا وجودك شنهي معناها
انه بعرسي حبيت اسمع الهوسات
هاي الرادها وهاي التمناها

تعال اكعد بكلبي وشوف شيصير
كل دكه ونبضه تصرخ باسمك
مو قران جيب الكعبه وياك
حتى احلف عليه شكد اني احبك

كلبي ينوح من اصد عين بعين
وشفت طولك حبيبي وثكلت نوحي
لو مثلك حلو جان ما طلعت الباب
يعمي وداعتك جان جومت روحي

بعيد الدنيا روحي سيرت ليك
اجت خطار وانت اكرمت خطارك
بلهفة شوك اجتك تركض اتهنيك
عيد الهنا عليكم عيد المبارك

تفاحات عدك حركن خد الزيج
بالله الياحلك لوردت تنطيهن
الجايع من يفرهد چن تعذره الناس
خل حراس يمك حتى تحميهن
واذا تسمع حظر تجوال ظل بالبيت
لان حته الحظر ظل صافن اعليهن


لا تسألني عنـك انت بيه تعيـش
تعال لمدن روحـي وعنـك اسألها
جانت قلعة روحي ومايطبها الجيش
لكن جيش حبك دخل واحتلـها


فرق بين الزغير وداسته اجدام
وفرق بين الكبر مالمته عيون
طبع بالفاس ويه الشجره عدوان
وتموت الشجرة لعيون اليكطعون


يمن بيك الجمال تعده الحدود
ومن خدك خذو لمعات النجوم
اشترينة هدوم حلوة الخاطر العيد
وانت العيد لجلك يشتري اهدوم


فدوا اتوسلك لاتزعل اترجاك
ولواادري بزعلتك انه راح انذل
خل انذل اولي يطبني ميه طوب
بس هيج ابحلاتك كفر من يزعل

تتموع بمشيك ليش هيج وياي
مثل الناس امشي ولاتخبلني
واذاجسمك ثلج ومن الحرارة يموع
شعندك للشمس يومية متعني

عصفور العمر علمته توه يطيـــــــر
ليش ترده الي وجنحانه مشبوكة
صح أنت حلو بس لا تظل مغرور
أكو أحلى من الشكر وتذوبه خاشوكة

ياليل هم رجعت شتريد وك ياليل
من وحشتك شيبت و الحيل ما ظل حيل
مثل الرماد اشتعل و ابقى احترك كلي
من اذكر امي الصبح من تكعد تصلي

حبك من قبل بس ماكلت يوم
اخاف احجي وتكول الناس جذاب
افتح باب بيتك تلكه تذكار
عايفلك خيالي ابعتبة الباب

طار من عندي وكلت خلي يطير
لابد الدنيا تكسر اجناحه هو من دوني
ولا لحظه يعيش ومايضوك بيوم طعم الراحه

المثلك مايخلي تشوفه عين الناس
ايضم روحه يطلع بالشهر ساعه
لان اتعم علينه وملحدين نصير
اذا شفناك نكفر حته بالطاعه

شميتك كبل ماقاومت وياي
ولميتك نفس واتعثر بلمك
وهسه تريد اشمك !
خايف انه عليك ؟
يمكن راح اخلصك لمن اشتمك

منك اني ما حصلت بس الاماني
وروحي وياك شگد چانت تعاني
ومن عني غبت ظليت انة اتاني
هسة يجي..انتظرته وما اجاني
وبجفاه احس روحي ميت اني
ولمن وصلني گال اعذرني…
نسيتك وحبيت ثاني!

ذمه بركبتك اسمعني حتى تروح
ماصييح عليك من تمشي غادي
انته عندي والماكو كد مستواك!!
يعني ميهمني تريد تروح عـادي

ودعتك حلالي وأمنت بيك
شعجب ترضى الحلال يصير فرهود
من يمته الخيانه تصير الك ثوب
وعايل صبحت مو جنت محمود؟

لا تقفل ابوابك خل تجيك نـــــــــاس
الخلي الحب يجيلك بالك ترجعــــه
واذا مفتاحه ضايع لا تهم با البـاب
محبت الناس صدك بابك تشلعـــــه

أسمحلك تدوس جروحي من تضوج
ومن تضحك بعد شتسوي اسمحلك
اشوف اهلك جنت ولخاطرك كل يوم
ولأن كلبي يحبك صرت احب اهلك

شوديلك گلب مجروح وجروحه
ابد مايشفن شوديلك عيون بليل سهرانات
بس يبچن شوديلك ألم واحزان لو اهات
بس ينعن شوديلك عشر بوسات هم العشره مايكفن

اريد الخير الك وتحب بعد وتعيش
ومرسومه تضل بشفافك الضحكه
خل يبقه الحزن طلقه ويه كلبي تنام
وخل يبقه الزمن شايل علي تفكــــه

تعب خلكي شكثر تعبني التفكير
خلكي من التعب مل حته من خلكه
انه اتنازلتلــك وبجروحي ارضيت
لان شفتك صدك مرتاح بالفركه

باوع خدك الجنت انه ابوسه هواي
هم تذكرني لو غيرتك الفركه ؟؟
بوساتك بعدهه بصدري يمي تبات
وعطرك بعده يصعد بيه كل شهكه

بعدهه ايديه ترجف من يمر طاريك
وبعدهه الروح ضلت بيك متعلكه
تذكر جنت اشبكـك و انشبك بيديك
واسافر للشمس من تكبر الشبكه

سويتك علك وزورتك العباس
من كد ما احبك بيدي شديتك
خفت اتضيع مني وكل حياتي اتضيع
سويتك كلب وبكلب ضميتك


انطرك ليش انطرك وانته مارديت
واذكرك ليش اذكرك وانت ناسيني
بكد مطر نيسان من دمعي بجيت
ولا جنك شفتها دموعي البعيني

دين بركبتك كل عمري ذاك الضاع
وماريده بعد متبري من ديني
بس كون انت تبعد ابعد من الغيم
والف صدفه تمر وماتلاكيني

انة بس بيك التمس اصل الجمال
يالي منك ه الكمر ماخذ منضرة
انته صدك مو بشر انته ملاك
حقهم يسمونك علي قالع خيبرة

تهز كلبي بلسانك من تضوك شفاك
واذا ضكتك اموت بهزه قلبيه
من تضحك غصب تضحك شفافي وياك
عندي الحاله صارت لا اراديه

مستعد اتحدى بالهوى مليون شاعر
ومستعد امليك اوراق العمر كلها خواطر
ومستعد اكتب لااحبك وادري ماتكفي الدفاتر
يالهواك احلى قصيده علمتني شلون اكابر
علمت عيني عالسهر
ولخاطرك ظلت تساهر ولو ردت مني سعاده لاخر الدنيا اسافر
واشتريها بعمري لاجلك وللثمن تدريني حاضر

عجبت لعالم الالوان فما ... لون احاط بعالم ألواني
فقلت ما بك يا عالمي ... تخاطب بكبريائك أشجاني
وتعاتبه على حبيبا مضى ... في عالم الالوان الفاني

اشك حتى بخيالي وما اشك بيك
وابيع الدنيا كلها وما ابيعك
ربيع العمر يخلص ما يضل دوم
وانه اتحداك اذا يخلص ربيعك

صحرا ومتانيك ماتمطر شجاك تدري عطشانين الك منذ الازل ....
انته رحمة ونزلت على امك وابوك واعله هاي الفقرة ضيم الله نزل....

مثل نهر وجرف عمري الاريدة وياك
هم شفت النهر لحظة نسة جروفة
انت كتاب كلبي وشاعر اليقراك
بدموع الليالي نكتبت حروفة
يل حسنك شمس وينور اعلة الكون
حتى اعمى البصر هم واضح يشوفة

أنته چنت وياي ما تزعل أبد
ومن دليلي اتشيل كل اوجاعة
ولك أنته شبيك عين وصابتك
مو چنت وياي مثل الساعة ؟؟
شلون تزعل وانته بگليبي نبض
وانته ويه الروح عايش يالمحب
وچذب روح اتزاعل الروح بوكت
ومستحيل النبض يزعل عالگلب ؟؟

شلون العين تغمض وانته زعلان
والگلك تغمض گله چذاب
واذا غمضت أگلك غمضت الموت
يعني اني ابلحد وعليه الاتراب

اريد احجي بجرح تبجيله كل عين
وأريد أكتب قصيدة بريشة أحـزاني
وأريد آخذ همومــي لفوگ الغيوم
أهدها وهم ترد ترجعلي مــن ثاني
خلص هذا العمر هم ومصــاب وآه
أسِد باب الحزن وأنسى شكثر بيباني
مل مني الصبر بس آنــي مامليت
أكابر وأبتسم لــو شفت صحباني

أريد أبجي واسمعك صوت الدموع
وخل يحجي الدمع ويسولف أشماله
تدري شكد معاني تشيل العيون
بس يوكع دمع تتوضح الحاله
وأضن صوت الدمع بي وحده من أثنين
لو فاكد عزيز ويذكر أطلاله
ولو مزنت فرح وتخيل أنت الصار
يعني أثنين هنه العين هماله

[marfed alrawi]

اريد احجي بجرح تبجيله كل عين
وأريد أكتب قصيدة بريشة أحـزاني
وأريد آخذ همومــي لفوگ الغيوم
أهدها وهم ترد ترجعلي مــن ثاني
خلص هذا العمر هم ومصــاب وآه
أسِد باب الحزن وأنسى شكثر بيباني
مل مني الصبر بس آنــي مامليت
أكابر وأبتسم لــو شفت صحباني

روووووووووووووووووووووووووعه والله العظيم انته مبدع
تحياتي الك ورده